Slideshow Image 1
Slideshow Image 2
Slideshow Image 3
Slideshow Image 4
Slideshow Image 5
Slideshow Image 6
Slideshow Image 7
Slideshow Image 8
Slideshow Image 9
Slideshow Image 10
Banner

Motorbike Adventure Team è formato da un gruppo di amici che hanno in comune una grandissima passione per i viaggi, la moto e per l'avventura. Assieme a voi, abbiamo realizzato qualcosa che va oltre l'esperienza personale, per quanto gratificante, di conoscere luoghi e popoli in regioni remote e spesso inaccessibili: far arrivare a quelle popolazioni un aiuto tangibile, non fatto solo di oggetti inutili.

Banner

Cartina_con_percorso

El viajo nol finisse mai

Questo, ricavà dal so sito, xe el moto

che xe soteso, che permea e motiva, insoma el lite motiv

de quei sinque apassionà, mati pa e moto

che xe quei del MOTORBIKE ADVENTURE TEAM

I xe nati nel 2007, cossì come che i xe,

dopo varie esperienze e aventure in serca de novità

quando che i ga capìo, e  anca assè

che al viajo podeva unirse on casin de utilità

I xe cressui sti tosi, e no soeo pai ani in pi che i gà

i xe cressui neà consapevoessa,

de podere anca jutare qualcun che voe jutà

e che questo se poe fare anche corendo in moto in allegressa

Che oltre che viajare se poe jutare el prossimo

in posti del mondo da tuti abandonà

che el gusto del viajo deventa proprio el massimo

quando che te poi jutare, e aposta me ripeto, qualcun che voe jutà

Cossì dopo la Venessia – Pechino, inpresa mitica

e la traversà de l’Africa in tuta eà so interessa

ghe xe tocà al Sud America, altra inpresa eroica

strapiena de inprevisti, conclusa in gran prestessa

Sto ano soe orme de Cristobal Colon

el nostro Cristoforo Coeombo, cossì conossio e nominà da cheà naja 

i atraversa tuto el centro america dagli U.S.A. Los Angeles a Panama Colon

scoprendo on toco al dì eà tera dei Maya

Quasi diesemie chiometri col cueo in teà sea e i oci spaeancà

a scoprire beesse ancora inesplorà

e altre ultranote, che conosse ogni mona

ma che sti sinque mati voe vedar de persona

Eh sì, cari miei, cossì va el mondo:

ghe xe chi eò gira tuto in tondo

e chi che resta qua, faxendo corna

che vaga tuto ben e che presto i torna

Uno de quei che core

el xe el me amigo Maurissio Pistore

conossio largamente ormai in tuto el mondo

come l’Odisseo da Pontelongo

Che ogni du ani abandona eà so capanna

indubitabilmente

ma che torna senpre daea so Anna

ineluttabilmente

Naltro se ciama Alessandro Biagioni, nato in Versilia

che pur de corare in moto a la scoperta dee diversità deà tera

el vendarìa so pare, so mare, eà casa co tuta eà mobilia:

par èo stare casa xe come essare in gaera

Po ghe xe Stefano Violetta

apasionà de architettura, d’arte nonché, gnanca dirlo, del viajare

par eo xe l’Honda eà moto perfetta

Africa Twin 750, ocore precisare

Se unisse a sto tersetto de fora de meon

on medico che da poco xe in pension

chel condivide eà stessa moto e e stesse passion:

de nome el fa Luigi e de cognome … Tonon,

E infine el Pierpaolo Consigli

chel core in moto da pi’ de quarantani

chel ga afrontà, neà so vita, migliaia de perigli

par scoprire i mondi pi lontani 

Sta scaea reae de tosi, sta man de sinque assi

i rancura dei schei dai sponsor, questo xe certo

pa pagarse e tute, bensina e altri cassi

ma i sponsorizza a so volta bambini nel deserto

E novità de st’ano, seesionà con cura

avendo conossio, par strade ancora oscure, Valerio Morellato

on padovano doc, che crede neà solidarietà e neà cultura

i sponsorizza el progetto ad esso collegato 

De garantirghe eà scuoea a on smerdaro de tosati

che vivendo neà miseria i ghe ne sarìa privati

e invesse grassie a questi cinque disgrassiati

i deventarà professori opur siensiati

O comunque co on poca de cultura

i podarà catarse magari on di on lavoro

I gavarà na vita manco dura

I savarà comportarse con decoro

E mi come el cieco cantore de Troia

dei nuovi eroi centauri canto le gesta

pai posteri a venire, e porco boia

par tuti quei che a casa sua i resta

CO TANTO AFETO, RABIA E SINPATIA INFINITA

XE STA IVANO MANZATO CHE STA ROBA VEÀ GA SCRITA


 

Patrocini El Mundo Maya 2010

Sponsor El Mundo Maya 2010